God oppskrifter på kvikklunsjkake»

Handarbeid
Akkurat no broderer eg Ørstabunad, og det mykje arbeid. Elles likar eg godt å strikke, mange fine oppskrifter finn eg på Garnstudio og Drops Design» . 
Åse i Ørstabunad på Haualeite i Volda. Ørsta-bunaden» har ni store roser som er brodert nede på sjølve stakken, og den har ikkje forkle. Lomma skal henge i belte på venstre sida. Bunaden skal vere svart eller mørkt blå. Skjorta har fin holsaumfald, og det høyrer også til kep. Det er laga eige sølv til bunaden. Jentene brukar raude strømper medan gifte kvinner bruker svarte.

Bunadsnemnda har utarbeidd eit hefte om Ørsta-bunaden». I heftet finn du informasjon og rettleiing både for brodering og montering av bunad og skjorte. Tilfang til Ørsta-bunad kan tingast hos firmaet Signy Digernes»

Bunad er festantrekk og galla-antrekk, og vert blant anna brukt på 17. mai, i barnedåp, bryllaup og konfirmasjon. Det er mange ulike bunadar og folkedrakter i Noreg, og bunadane er knytte til bestemte delar av landet. Her på Sunnmøre har dei fleste jentene bunad til konfirmasjonen, enten sin eigen eller ein lånt. Bunaden kan ein tilpasse ved omsaum etter som åra går. No er det også mange gutar som har bunad til konfirmasjonen, og det er mange vaksne menn som har herrebunad. Ved bryllaup kan brura låne krone og bringeduk som høyrer til den bunaden ho har.


Til herrebunaden høyrer det til hoseband. For at ikkje stømpene skal sige kan du knyte hosebanda på denne måten som vist her».
 

Om vinteren opnar skibakkane i Volda og i Ørsta. Reset» ligg i Volda og  Bondalseidet» ligg i Ørsta (kart).

 
Fjelltur til Kvanndalen på Standaleidet i Ørsta. Turen starta frå Standalhytta (kart). På fjelltur er det ofte ei elv med friskt og kaldt vatn der vi kan fylle på flaskene våre. Elles treng ein gode sko eller fjellsko, niste og kle etter vêret. Eg legg som regel ei ulltøye, lue og hanskar i sekken på alle turar. Guideboka Fjellturar på Sunnmøre» viser ruter for alle fjellturar, den tipsar også om barnevennlege ruter.