Knyting av hoseband

Hoseband

Startsida» Tur» Fotogalleri» Billettar og rutetider» Hobby» Jul»

Hoseband eller strømpeband vert brukte til å halde oppe knestømper. Dei vert brukte til herrebunadar, og hosebanda har ulik lengd og ulike fargar alt etter kven som har laga dei.

Endane på banda heng ned om buksekanten, medan knuten er skjult. For at ikkje stømpene skal sige kan du knyte hosebanda på denne måten som vist her.

Kanskje må banda strammast til ein gang eller to i løpet av dagen.

NORSK BUNADLEKSIKON 1-3

`Dette er Noregs første bunadleksikon. Her vert over 400 norske bunader og samiske folkedrakter presentert i tekst og bilete.`

Bandet skal to gangar rundt leggen.

Start med å halde i enden med venstre handa.

Bruk høgre handa til å legge bandet rundt leggen, like under kneet.

Nokre band har knapp lengd så det går berre ein gang rundt, og då må nok hosebandea strammast fleire gangar i løpet av dagen.

Legg bandet to gangar rundt leggen.

Starten på bandet ligg inst mot leggen og to omgangar over dette.

Lat den lause ende gå over krysset med den inste enden.

Ta no den lause ender med høgre handa og lag ei lykke, dette vert knuten som strammar banda.

For å gjere dette legg du den lause enden over peikefingeren på venstre handa. Smett no den lause enden under krysset samstundes som du held lykka med peikefingeren.

Trekk no den lause enden gjennom lykka.

Om bandet er laust festa kan du drage i bandet før du strammar knuten.

Det same gjer du om du skal stramme bandet seinare.