Laga tenar pengar til lagskassa ved kioskdrift.

Planlegging:
Aktuelle lag må planlegge desse arrangementa og stille med nok funksjonærar. Brusautomaten er plassert ved inngangspartiet. Om den må påfyllast kontakt Svanhild Iversen Mo».

Fordele oppgåvene kioskvakter og levering av mat i foreldregruppa. På lagsida til U12 er det liste over innlevering av mat til Volley 2000 turnering. På lagsida til JU16 er det liste over arbeidsoppgåver ved ei Volley 2000 turnering.
Ta med pennar til dommarane, og ha fløyter til dommarar som ikkje har sjølve.
Innkjøp: Mat, les under forslag til prisar. Når du planlegg prisane bør det vere ca 50% forteneste.
             Har  du andre idear til kva som kan seljast i kiosken planlegg du det i staden, men unngå sal av godteri.
             Søppelsekkar, oppvasktvåger, serviettar (250 stk turnering 21 lag), pappbeger.
Vekslepengar, ca kr 1000 i småpengar frå laget si kasse.
Rydding.

Kiosken i Voldahallen er av nyare dato, og Handball og Volleyball har felles utstyr i kiosken.
Kiosken bør opne 1,5 time før første kamp, og det første som vert etterspurt er ofte varme pølser.

Det kan vere to personar samstundes, fleire om det er venta mykje folk.
Forslag til  eit arrangement med kampar frå 12.00 til 15.00:
1.person kl 10.30 til 13.30. Tørk av borda i gangen, legg på duk og tenn te-lys.
2.person kl 11.00 til 13.30
3. og 4. person frå kl 13.30 til 15.00
Dei to siste ryddar og avtalar med kasserar kven som set pengane inn på laget sin konto. Sjå over garderobene og samle flasker. Samle inn volleyballar som har kome inn i garderober og ut i gangen.

Forslag til prisar
Brus kr 15 for sal i kiosken. Straumen til brusautomaten kan koplast ut under turneringa. Sett handballen sine pantekasser inn på lageret og set dei på plass når turneringa er over.

Kaffi / te kr 10
Kaffitraktar og kaffikanner med skrukork er i kiosken. Kjøp inn pappbeger, filterkaffi og kaffifløte. Ta med kaffifilter for sikkerheits skuld, dei som ligg i KFUM Volda skapet kan brukast, men det kan vere tomt. Volley 2000 turnering 21 lag: 4 posar kaffi og ca 150 pappkrus.

Kakestykke kr 10 
Heimebaka skuffekake, ei middels stor skuffekake delast i om lag 36 kakestykker. 2 skuffekaker er høveleg ved 9 kampar ein dag. Volley 2000 turnering 21 lag: 4-5 skuffekaker. Unngå sal av godteri i kiosken, det er usunt og det er dessutan lite pengar å tene. Om ein sel sjokolade eller anna godteri vil det også gå ut over salet av kake.

Vaffel
Vaffeljarn lagra i kioskbagen på Uppheim. Svanhild Iversen Moe har nøkkel til Uppheim.

Svele
4 porsjonar svelerøre a 2 liter høver til turnering med 21 lag. Takke i kiosken. Ta med gryteklutar. Kjøp inn smør, sukker og sylte til svelene.

Frukt kr 5
Banan. Ofte er det tilbod på butikkane, kjøp gjerne inn fleire sortar frukt. Det går mest banan. Skyl eple og pærer før sal.

Bagettar kr 15
Porsjonar a 15 stk med heimebaka / nysteikte kjøpte bagettar, påsmurte og med skinke, ost og salat. Enkelte også med tomat og agurk. 75 stk er høveleg ved 9 kampar på ein dag. Kanskje det er like populært om ein ikkje klapsar saman bagettane, men sel dei som smørbrød for kr 10 per stykk.

Pizza kr 10
Ferdigpizza oppdelt, lønner seg om ein kjøper inn rimeleg. Rekn ut om det lønner seg.
Volley 2000 turnering 21 lag: 10 ferdigpizza av ulike sortar, men då vart det også selt pølser. Om ein ikkje sel pølser går det meir pizza.

Pølse med brød kr 10
Lønsamt, enkelt og populært. Pølsekokar på Uppheim eller i kiosken, Margrete Apelseth Skaare har nøkkel til Uppheim. Eller bruk ei stor gryte med vatn med buljong og trekk pølsene i 20 minutt, bruk gjerne 2 gryter for å veksle på når pølsene skal verte ferdige. Volley 2000 m 21 lag: 90 pølser + brød. 1flaske ketchup og 1 flaske sennep. Pølsepapir i kioskbagen på Uppheim og i KFUM Volda skapet.