Mallorca
På den spanske øya Mallorca har det vore turistar i generasjonar, og her er det vel tilrettelagt for turistar. Her består ferien av sol, bad og god mat, og om ein vil kan ein få med fine kulturopplevingar og fine bygg. Her er mykje å sjå og oppleve, og ein rekk ikkje over så mykje på eit par veker.
Hovudstaden heiter Palma. Alfabia Gardens er ein kulturarvhage i nærheita av Tramuntana-fjella. Eit minikurs i spansk med nokre nyttige uttrykk kan gjere ferien kjekkare.


Nord på Mallorca ligg den veletablerte badebyen Puerto Pollensa. Den gamle byen Pollensa ligg om lag 6 km lenger inn på øya i forhold til hamna i porto Pollensa.

I Porto Pollensa er det fin sandstrand med områder for utleige av parasollar og senger, og det er strandkafear med toalett. Her er vatnet litt grumsete, så snorklane kan ein i staden bruke på Piedra om ein tek badebåten dit. Men av og til ser ein fiskestimar med små grå fiskar. Det er enkelte undervassberg som ein kan skrape seg på, så det er lurt å vere forsiktig til ein har oppdaga kvar dei er.


På hamna i Porto Pollensa ligg det mange båtar, frå små fargerike fiskebåtar til dei største lystbåtar.

Det er fin strandpromenade langs badestranda, vegen mellom strandpromenaden og butikkane har stor trafikk. Om kvelden er det mykje folkeliv i gatene, turistane er gjerne familiar på ferie og velståande ferierande frå lystbåtar. På dei små sandstrendene, ved dei fine hotella ved gågata, var det høgtideleg og nøyaktig arbeid når sandslotta skulle utvidast og forskjønnast. Om kvelden var det tente lys i slotta og det vart sett fram små bøtter til å legge eit bidrag i.


Tapas og sangria fann vi på ein kafe i Pollensa.