Ein fin køyretur til Ørsta startar frå Geiranger via Norangdal». I Norangdal ligg restane etter ei seter under vatn. Her gjekk eit ras som demde opp vatnet for 100 år sidan.

Det bor om lag 10 300 menneske i Ørsta. Dei fleste bur i Ørsta sentrum, og sentrumsområde med butikkar vert kalla Vik. Gågata i sentrum er ei triveleg handlegate, og i enden av gågata ligg kaffibaren Fugl Føniks» som serverar god kaffi og deilige kaker og smårettar. Det er eit stort kjøpesenter med mange butikkar på den gamle Grepa-tomta ved strandkanten i Ørsta sentrum. Det er Apotek» på kjøpesenteret. Bibliotek og kino» finn ein på kulturhuset. Museet Brudavolltunet» er ein autentisk gard der ein kan oppleve livet i gamle dagar. Kaihuset er for ungdom. Rust Club & Scene» har konsertar.

Det er fleire tettstadar i bygda, blant anna Hovdebygda, Sæbø, Bjørke, Vartdal, Nordre Vartdal og Liadal. Det er kyrkjer i Ørsta sentrum, Hjørundfjord, Vartdal og på Bjørke, oversikt over arrangement finn du på sida til Kyrkjelydane i Ørsta. Det er fleire barne- og ungdomsskular i kommunen. På Sæbø er det kombinert barne- og ungdomsskule. Det er vidaregåande skular og folkehøgskule i Ørsta sentrum.
Det er småbåthamn i Ørsta sentrum og Rjåneshamna hjå Håvoll småbåtlag»
Rjånes Ungdomssenter» er ein leirstadar i eige av NLM. Senteret vert nytta til ulike arrangement og utleige til blant anna kurs, møter, konferansar og selskap.

Museet Ivar Aasen tunet» ligg like ved Eiksundsambandet. Aasen-tunet er senteret for nynorsk språk og kultur, med gode opplevingar av språk, litteratur og arkitektur. Tunet ligg på garden i Hovdebygda der Ivar Aasen var fødd og oppvaksen. Om sommaren vert Dei Nynorske Festspela arrangert, og dette er eit stort arrangement med nynorske forfattarar og utekonsertar. Aasen-tunet er teikna av arkitekt Sverre Fehn, og stod ferdig i 2000. I april 2008 fekk Aasen-tunet arkitekturprisen A.C. Houens fond sitt diplom. Den 30. april 2008 opna H. K. H. Kronprins Haakon den nye utescena i Aasen-tunet.

Volda og Ørsta vart knytt saman med dei ytre kommunane på Sunnmøre då Eiksundsambanet opna. Eiksundsambandet opna 23. februar 2008 med verdast djupaste tunnel under havet, tunnel gjennom fjell og ei særs flott bru til Eiksund i Ulstein. Dette fantastiske anlegget er eit tydeleg landemerke, og eit symbol på kor langt vår kultur har nådd. Om ein køyrer ofte gjennom sambandet kan det lønne seg å kjøpe autopass, dei som passerar sjeldan kan vente på at rekninga kjem i posten. Ein skal ikkje stoppe for å betale.

Vassendgutane» frå Åmdalen i Ørsta er er vel kjende i heile lande for countymusikken sin, som "ungkar med dobbeltseng".
Brørne Thomas og Hans Vegard Ryste saman med Knut Steinnes lagar det  populære Klypå» showet. Der er rånaren Palle og den hissige fejemannen Kjellen Bigset. Sjå Kjellen Bigset på YoyTube»

Møre og Romsdal
Dei mest kjende attraksjonane i fylket er Sunnmørsalpane, Geiranger, jugendbyen Ålesund, Trollstigen og fugleøya Runde. Her i fylket er det djupe fjordar omkransa av høge fjell, storhavet med vidt utsyn og sandstrender, byar og tettstadar med stort utval i butikkar og kjøpesenter, hotell og campingplassar.

Det er 38 kommunar i fylket: Molde», Kristiansund», Ålesund, Vanylven, Sande, Herøy, Ulstein, Hareid, Volda, Ørsta, Ørskog, Norddal», Stranda», Stordal», Sykkylven, Skodje, Sula, Giske», Haram, Vestnes, Rauma», Nesset», Midsund», Sandøy», Aukra, Fræna, Eide, Averøy», Frei, Gjemnes, Tingvoll», Sunndal», Surnadal», Rindal, Aure»  Halsa, Tustna, Smøla»
Byar og kommunar med tjukk skrift er kopling til undersider på skaare.net.