Restaurering av gamle hagar. Alle hagar er prega av tida dei vart bygde på og av dei plantene som var vanlege då. Hagar og planter høyrer saman på same måte som hus og møblar. Det kan vere ei utfordring og eit detektivarbeid å finne dei rette plantene, men det er kjekt arbeid. Her får du nokre av dei momenta du bør tenke på i arbeidet ved vurdering av kva planter du skal skaffe deg og korleis du skal finne plantene, og ikkje minst korleis ta plantemateriale.

Bruk god tid til å verte kjend med hagen, følg den gjennom ein sesong før du går i gang med restaureringa.
Leit fram best muleg dokumentasjon. Gode kjelder er eldre oppmålingar, hageplanar om det eksisterar, kart, fotografi, flyfoto, måleri. Og snakk med folk som hugsar hagen frå tidlegare.
Bruk informasjon om kva planter som var vanlege for tida.
Lag skrifteleg oversikt over kva som er igjen av eldre planter, suppler eventuelt med opplysingar om kva som har vore i hagen tidlegare.
Unngå for store omleggingar. Ta ting gradvis og skund deg langsamt.
Ha eit bevisst forhold til valet av planter.
Unngå moderne løysingar som verkar framande i hagen.
Kjelde "Ta plantearven i bruk". Genressursutvalg for kulturplanter og Hageselskapet.

Gamle hageplanter på Agder