Øya Herøy har vore sentral i regionen i over 1000 år. Det bur om lag 8500 innbyggjarar der, og kommunesenteret er Fosnavåg by. Lokalavisa heiter Herøynytt» og regionavisa er Sunnmørsposten». Runde ligg lengst vest i Herøy kommune», og har det sørlegaste fuglefjellet i Skandinavia. Runde er også kjend som skatteøya med myntfunnet Rundefunnet».

Millionar av sjøfugl hekkar på Runde. Øya er freda, men det går daglege omvisningsturar med båt rundt fuglefjellet. Det er også lett tilkomst til fots på merka stiar. I boka Fotturar på Sunnmøre» finn du skildring av turane. Dette gir høve til å oppleve det yrande fuglelivet på nært hald, her kan ein sjå koloniar av lundefugl, lomvi, havsuler og alke. Her er 200 ulike artar, også havørn.

For å kome til Runde fyl du skilting til Fosnavåg, det er skilta til Runde like før Fosnavåg. Turistkart frå Statens Vegvesen»

Overnatting:
Du kan overnatte på Runde på Christineborg Kysthotell» eller campingplassane Rundø ANS Ingv eller Goksøyr camping». Det er også campingplass på Leinøy, Herøy Kystcamp», der dei også leiger ut hytter og rorbuer. Hotel Neptun» ligg i Fosnavåg sentrum. I Kvalsvika leiger havferie.com» ut rorbuer og hytter. Ved Herøybrua leiger Lanternen AS» ut hytter.

Overnatting på Kjeldsund» kan tingast på tlf 70080220. Senteret ligg på Gurskøy og er eigd av Det norske Misjonsselskap.

Fosnavåg by er kommunesenteret i Herøy, og midt i sentrum av Fosnavåg ligg gjestehamna med nye gjestebrygger. Fosnavåg har godt utval med butikkar og spiseplassar. Der er meir enn 60 nisjebutikkar, kunstgalleri, fiskerestaurantar og kaféar. Madelynn Coffee» Espressobar og bakeri serverar god Amerikansk- inspirert, heimelaga mat. Når du kjem ned bakken inn til Fosnavåg sentrum svingar du til høgre ved restaurant Maki og køyrer innover. Eige kaffibrenneri med nymalt kaffi, som du også kan kjøpe med heim. Lanternen AS» før Herøybrua serverar god mat. Maki restaurant» serverar opp til 7-rettar meny. Restaurant Fosnavåg Brygge» ligg i sentrum av Fosnavåg.  Hovudbiblioteket i Herøy» ligg i Kulturhuset i Fosnavåg sentrum. Det er bokbåtstopp i Kvalsvik og på Runde. Jacobsenhuset» ligg midt i Fosnavåg sentrum, og er møteplass for kunst, kultur, fortelingar. I tillegg er det selskapslokale for inntil 30 personar. Herøy Fritidsbad» har sklier, barnebasseng og varme basseng. Fotball, Friidrett, Handball i Herøy.

I tida før det var motorar i fiskebåtane,  kring 1905, var det nokre få gardar og hus i Fosnavåg. Om vinteren var det handla med fisk, men elles var det ikkje faste handelsdrivande. Fosnavåg vaks rakst i takt med bruken av motorbåtar, og har vorte ei sentral servicehamn for fiskeflåten. Fosnavåg er ei god hamn for motorbåtar, medan det var vanskeleg å sigle ut og inn av det tronge hamneinnløpet. Fosnavåg tyder "den løynde hamna".

Herøy kystmuseum» syner den gamle handelsstaden slik den voks fram på 1800-talet, med restaurerte bygningar, interiør, båtar og fiskereiskapar. På museet kan du sjå rekonstruksjonar av Kvalsundbåten frå 600-talet og ei sunnmørsjekt frå 1700-talet. På museet bygg dei opne, tradisjonelle sunnmørske båtar. På museet finn du også ruinar av dei to kyrkjene som stod der med gravplass ikring. Herøyspelet Kongens Ring» vert sett opp om sommaren. Herøy Kystlag» held til på den gamle slippen i Nørvågen i Fosnavåg hamn. Dei tek vare på den lokale kystkulturen frå 1900-talet, "motorbåtalderen".

Eggesbønes ligg like før Fosnavåg sentrum, like for den nye Herøy kyrkje».
Natt til 2. juledag 1998 brann den gamle Herøy kyrkje ned til grunnen, og mange kunstverk frå mellomalderen gjekk tapt. Ny Herøy kyrkje vart vigsla av biskop Odd Bondevik 16. februar 2003.